Беларусь – адна з нешматлікіх краін, у назве якой прысутнічае колер. Спроб нейкім чынам гэтую прысутнасць растлумачыць рабілася шмат і здаўна. Частка гэтых тлумачэнняў, нягледзячы на іх спрэчнасць, прыжылася ў нашай  свядомасці, зрабілася складнікам нацыянальнага міфа.

  Чаму ж нас называюць беларусамі? Адны кажуць, што ад БЕЛАГА колеру льняной вопраткі і светлых валасоў нашых жыхароў. Іншыя сцвярджаюць, што белая - значыць вольная, чыстая. Яшчэ нам падабаецца варыянт, дзе прычынай называецца “мноства буслоў”.

  Усе гэтыя версіі, хай сабе не надта навуковыя, затое пазітыўныя, ствараюць вобраз чагосьці вольнага, белага і чыстага… Беларусі!